سيدتي , بت خالتي , جدتي ,بت خالة امي , بت عمتي , بت عمة ام مرت خالهه لجيرانا ...اهلا بيج
الشعر: هو تاج راسج , المفروض تداريه و تهتمين بيه , و هو رمز جمالج , و هو املج , و مستقبلج , و حلم حياتج , و ,.. و ...و وووو...المهم حتى تكدرين تتعاملين وية شعرك بشكل صحيح ...في طريقتين:
1- الطريقة الصعبة:
أ- استعمال الشامبو الصحيح :يعني اهتمي بنوعية الشامبو اللي تستعمليه يكون شي غالي ..ابو الخمس الاف وفوق
..لان اذا اقل يعني شعرك قيمته قليلة عندج ..راح ينقهر شعرج و يتأذى و نفسيته تتعب ..و يقرر الرحيل ..و يبدي يهجرج على شكل خصلات تسقط من راسج على فجأة ...
ب-الحمام الزيتي: حتى تغذيه, لو بس بيج خير تغذين روحج؟؟؟ ..هذا تاج راسج اذا راح من وين تجيبين تاج راس بعد؟!!؟؟
ج-الماء الجيد:ترة ماءنا يتلف حتى اللي ما عنده شعر..من هسة اقولها لكِ ..اشتري بطل ماء صح و غسلي شعرج بيهه ..فدوة الفلوس الج و لجمالج عيني ..واحد كم مرة يعيش..و شكو بيهه اذا شربو الاطفال من الحنفية و تمرضوا..الاعمار بيد الله
د-المشط: رحم الله والديج شعرج قاتل احد من عشيرتج؟؟ ..ليش تكفشيه كفش من تمشطين؟؟..يا عيني عله كيفج ..ادري الاطفال متعبيج و ابو الاطفال يريد عشه..بس مشطي شعرج لخاطر الله ..مشطي شعرج خللي تصير بيج شوفة
ه-القراصة و الطاك: اهم شي ..الفركيتات و القراصة ام الوردة و ام الريشة ..و الطاك اللي هلكبره ..اللللللللللللله عبالك معركة براسج
2- الطريقة السهلة:
اولا:عوفي شعرج براحته ..ينمو و يتكنفش بجميع الاتجاهات ..و لا تشيلين همه..و اتبعي موضة الكفشة التاريخية اللي دتتبعه ميريام فارس و فرقة ميتاليكا الطاكة .
.و من يسألوج كولي :موضة ..و موتي من الحر وية صيفنا( تقولين جهنم مو صيف)..
ثانيا: او....شيلي شعرج كله..زينيه صفر مثل العسكرية ايام زمان خلصي منه و من ضيمه ..و خللي راسج يشم هوة و يشوف دنيه ..و من يسالوج كولي:
كرعة و اجنن تخيلو بس لو كان عندي شعر
نصيحة مني شخصيا : اتركي شعرك بحاله و ابتسمي للحياة
تحيـاتي للجمـيـع
>>>>>>>>>>>>> والله مني عارفه كيف اوصفه
